KTP Ruby Jubilee hmang

Serchhip Hmar Veng Branch Kristian Thalai Pawl din champha kum 40 na (Ruby Jubilee) chu ni 9, August 2010 zan khan hman a ni a. He hunah hian kum 1970 a Hmar veng Branch KTP din anih atanga hruaitu(Office Bearer) hna lo chelh tawh zawng zawng te chu inkhawm turin sawm an ni a, KTP hruaitu lo ni tawh mi thahnem tak an rawn inkhawm a ni. Hemi pual inkhawmah hian Branch KTP chanchin chhiarchhuahna leh hruaitu lo ni tawh te member teah inhmelhriattirna neih a ni bawk. Inkhawm banah member inkhawm ten Jubilee lawmna thingpui leh chhang tui tak kan inho bawk.

KTP Sports 2010 neih a ni

June thla chhung khan Branch KTP Sports neih a ni a, hetah hian infiamna hrang hrang 22 ah member ten intihsiakna an nei. Member te hi Group 3 ah inel a ni. Member ten hlawk thlak an ti hle. Sports kharna hi ni 12 July 2010, zan inkhawm banah Biak in sak laiah neih a ni a, hetah hian lawmman leh Medal te sem a ni.
Pakhatna : Hosea Group
Pahnihna : Amosa Group
Pathumna : Mika Group

Hmar Veng Br. KTP Kum chanve inchhiarna report

* Members 228 (Mipa 147 / Hmeichhia 81)
* Commt. members 23
* Biakin hawnga innei 3
Hmun danga innei 4
* Kohhran thunun tawk zat 10 (Mipa 4 / Hmeichhia 6)
* Sum lakluh Rs 61020.00
Sum hmanral Rs 39955.00
Balance Rs 21065.00
* Inkhawm Average 53.88 members
* Inkhawm Percentage 23.63%
* Fellowship Average 36.9 members
* Fellowship Percentage 16.18%
* Missionary Chawm zat 4
* Kristian Thalai lak zat 41 copies

Lamchhip KTP hruaituten min rawn tlawh

July 9-20 chhung khan Lamchhip lam atangin KTP hruaitu ten kan rawngbawlna chhim pahin thlarau lama thawhhona nei turin min rawn tlawh a, Lamchhip atanga rawn kal te hi - Pu Roluahpuia Branch KTP Leader, Tv B.L. Tluanga Branch Treasurer, Tv Romawia leh Tv Malsawmdawnga te an ni a. Anni ho nen hian zan lamah thu leh hla hmanga inpawlhona Leader Pu C. Lalthianghlima te inah neih thin a ni. Member kal ten hlawkthlak an ti hle.

Hmar Veng KTP Jan-June 2010 chhunga hmalakna tlangpui

• Ni 7.1.2010 ah kan member Nl. Vanlalchampuiin Aibawk Presbyterian Kohhranah pasal Kohhran Dan Thianghlimin a nei a, Dt 6.1.2010 ah an chenna inah amah thlahna hunk an hmang.

• Ni 18.1.2010 zanah member thar lawmluh inkhawm neih a ni a, he hunah hian kumin chhunga KTP member atanga over mi pathum Tual Upa Lalnunsanga, Pu H. Lalrinchhunga leh Pu R. Lalramhluna te thlahna hun hman nghal a ni a, thlahna thuziak hlan an ni.

• Ni 22-24.1.2010 a Hriangtlang a Bial Conf neihah kan Branch atangin member 36 kan kal a, member te thuam phurh nan hian Branch chuan Pick-up a hire.

• March 4-7, 2010 a Mamit-a KTP General Conference neihah kan branch atangin Pu H. Lalbiakhlua, Asst leader chu a palai a. Conference hmannaah hian member kal nan CZ sumo hman a ni a, member 10 an kal.

• Ni 30.1.2010 ah Thenzawl kawngah Agriculture Department atanga inhlawhna kan hmuh Mau sah hnatlang neih a ni. Ni 5&6 ah hian Mau sah hnatlang hi riakluta neih a ni a, member 6 kan riak lut. Dt 9.2.1010 ah Mau sah thiar hnatlang neih a ni bawk.

• Kan member Feb 1 a Missionary a chhuak tur Nl Lalbiakzuali chu Dt 31.1.2010 Tlai fellowship-ah amah thlahna hun hman a ni. Nl Biakzuali thlah nan hian Rs 1000/- leh Citation pek a ni.

• March thla tir khan SERCHHIP DISTRICT INFORMATION BOOK 2010 siam a ni a, lehkhabu hi copy 700 siam a ni a, copy khat hi Rs 30/- zelin zawrh a ni. Lehkhabu kan siamna atang hian Rs 10000/- vel kan hlawh.

• Dt 9.4.2010 ah kan member Tv Jimmy Lalremsanga chuan kan Kohhran Biakinah Kohhran Dan Thianghlimin nupui a nei.

• Dt 29.4.2010 ah kan member Nl. Lalrinmawii chuan Kohhran Dan Thianghlimin Aibawk Presbyterian Kohhranah pasal a nei a, amah thlahna hi Dt 27.4.2010 ah an chenna inah neih a ni.

• June thla chhungin KTP Sports neih a ni a, Indoor leh Outdoor Item hrang hrang 22 ah inelna Group hrang hrang ten an nei a, ni 12 July zan inkhawm banah sports kharna leh lawman semna neih a ni a hetiang hi result a ni: Pakhatna- Hosea Group, pahnihna Amosa Group, pathumna Mika Group.

• May thla chhung khan Chandmari vengtharah PWD Side drain lain Branch hnatlang neih thin a ni a, chhun lamah neih anih bakah zan lamah pawh hnatlang hi a remchan dan anga neih thin a ni. Side drain kan laihna atang hian Rs 8410/- kan hlawh.

Complex Field-ah Bethel neih a ni

Ni 28 March tlaiah khan Evangelical Cell hmalaknain Serchhip Complex Field ah Branch pum huap Bethel hun hman a ni a, member 34 Bethelah hian kalin member kal ten hlawkthlak kan ti hle. Tin hemi hnu hian April 9 zanah Serchhip Chandmari-a Moria hmunah Branch pum huapin member ten intuaitharna hun kan hmang a, member 40 chuang kan kal thei bawk.

KTP General Conf 2010

Kristian Thalai Pawl General Conference Vawi 53-na chu March 4-7 chhung khan Mamit hmunah neih a ni a, zoram hmun hrang hrang atangin KTP member palai mi 15000 chuang zet an kalkhawm a, palai reception counter a in report zat hi mi 13726 an ni. Tun tum hi KTP Gen Conf awm tawh zawng awnga palai an tam ber tum a ni nghe nghe. Conference thlarau lam thupuiah hian ‘Tho la i Pathian ko rawh’Jona 1:6 chu hman a ni a, speaker ah Rev Zosangliana Colney hman a ni. Hetah hian a chhiar belh theih -
http://serchhip.wordpress.com/2010/03/08/ktp-gen-conf-mamit-a-neih-a-tiak-ta/#more-1512

Tun tum KTP Gen Conf Mamit-a neihah hian kan Branch (Hmar veng Branch atangin CZ Sumo hmangin member 10 kan kal a, member kal te chu heng mite hi an ni - Pu C. Lalthianghlima, Pu H. Lalbiakhlua, Pu Peter Lalzuitluanga, Pu Lalramhluna Siakeng, Tv PC Laldinpuia, Tv C.Vanlalduata, Tv Lalbiakzuala, Nl Jire Lalrinpuii, Nl Lungtiawii, Nl C. Lalramdinpuii). Heng mite bakah hian hmun dang atangin kan branch mi leh sa - Nl B. Vanlalsiami, Nl Lalnunzawmi leh Tv Lalruatkima te Conf naah hian an kal bawk.

KTP Day pual hnatlang

Kristian Thalai Pawl Day Feb 22 pual hian zingkarah Branch KTP hnatlang neih a ni a, vengchhung kawngpui thenfai a ni.

Nl Lalbiakzuali Sailo Missionary a kal tur thlah a ni

Kan Branch KTP Comt member Nl Lalbiakzuali chuan Feb 1 khan Tuipuibari lamah Missionary in min kalsan a, amah thlahna inkhawm hi ni 31 jan zan inkhawmah Hmar Veng Presbyterian Kohhran chuan Programme a siam a ni.

Nl Lalbiakzuali Sailo hi a pa chu Pu Lungmuana Sailo(L) a ni a, a nu chu Pi Thannguri a ni. Unau 5 niin, an unau zingah hian a milai. A upa lam atanga chhiara a pathumna a ni. A pian tirh atangin Serchhip Hmar Vengah a seilian a, Primary leh Middle School chu Hmar Veng ah kalin HSLC hi Aizawl a Tuikual South H/S atangin a passed a ni.

Amah hi kohhran bel tlat mi a ni a, a phak tawkah Kohhran leh Thaalaiah te theihtawpin a inhmang thin a. Branch KTP ah Group hruaitu, Comt. member, Faith Promise kawltu leh chanchinbu circular manager te a lo ni tawh thin a ni. Tunah hian Kohhran ah Naupang SS Inter Dept zirtirtu a ni mek a, KTP ah Cotm member a ni mek bawk. Serchhip Pastor Bial Zaipawl ah member a ni bawk.

Ramthar rawngbawlna lam hi a tuina a rei tawh a, hun puma Pathian tana rawngbawl hi a thil chaka ber leh thlakhlelh ber a ni thin. Chu a rawngbawl chakna chu Pathian chuan a hrerenga kum 2009 Dec a Synod Mission Board in a Contract Misisonary an lak thar zingah a tel ta a ni. Tunah hian Tuipuibari -II ah Evangelist Teacher in a awm dawn a ni.

Hriangtlang Bial conf thlalak thenkhat

KTP Group hruaitute

Kum 2010 chhunga Serchhip Hmar Veng Branch KTP group hrang hrang hruaitute chu a hnuaia mite hi an ni-

HOSEA GROUP
Leader : Pu V. Vansangzuala
Asst Leader : Pu Lalremruata (Valpuia)
Secretary : Tv Lalhruaizela Kawlni
Ast Secretary : Pu Lalnunngila Sailo
Treasurer : Nl B. Lalrinkimi
Fin Secretary : Pu Lalramhluna Siakeng
Branch OB : 1) Pu H. Lalthianghlima, Leader
2) Pu Lalawmpuia Renthlei, Treasurer

MIKA GROUP
Leader : Pu Peter Lalzuitluanga
Asst Leader : Pu R. Vanlalnghaka
Secretary : Tv V. Hmingtanzuala
Ast Secretary : Tv H. Ramluahpuia
Treasurer : Nl R. Lalmuanpuii
Fin Secretary : Nl Laldinpuii Kawlni
Branch OB : 1) Pu H. Lalbiakhlua, Asst Leader
2) Tv V. Lalfakzuala, Asst Secretary

AMOSA GROUP
Leader : Tv C. Zirtluangzela
Asst Leader : Pu Zoramthanga Ralte
Secretary : Tv Vanramluaha
Ast Secretary : Tv Lalbiakzuala
Treasurer : Nl F. Lalruatfeli
Fin Secretary : Tv Lalramsanga
Branch OB : 1) Tv PC Laldinpuia, Secretary
2) Nl PC Lallawmsangi, Fin Secretary

Hmar Veng Branch KTP Chanchin

Serchhip Hmar Veng Branch Kristian Thalai Pawl hi ni 9 August 1970 (Pathianni) chawhma inkhawm banah ‘Hriangtlang Veng Kohhran Kristian Thalai Pawl’ tih hmingpuin din tan a ni a. A din tirha Hriangtlang Veng Kohhran KTP tih ni thin kha a hnu kum 6-naah 1976 kum tir lama ‘Hriangtlang Kohhran’ tih chu ‘Hmar Veng Kohhran’ tia thlak a lo nih tak avangin KTP lam pawhin an hming ‘Hriangtlang Veng KTP’ tih thin chu ‘Hmar Veng Branch KTP’ tiin thlak ve nghal a ni.

KTP member te zing atang hian Missionary-in mi pathum - Nl. Lalkulhpuii, Nl. Nghakliani leh Nl Lalkhawngaihtluangi leh Pastor PC Nghaklianmawia te an chhuak tawh a ni. Branch Chanchinbu THALAI ENG chu ni 5 September 1993 Pathianni atangin chhuah tan a ni a, tun thlengin chhuah chhunzawm zel a la ni. Hmar Veng Branch KTP te hian Drama (Lemchan) hi rawngbawlna awimawh tak anih avangin an tuipui hle thin a. Kum 1980 hma lam atang tawh khan Drama hi an lo chang tawh thin a. Ni 8 June 2002 khan Bial KTP Drama Competition chu S. Kawnpui Senior Hall-ah neih a ni a. Hmar Veng Branch atangin Drama Party 2 (Thupui hrang nei) telin lawmman 1-na leh lawmman 3 na-te dawn a ni. Kum 2000 leh 2008 kumah te Cable TV a chhuah turin Krismas Drama chan a ni.

Zaipawl rawngbawlna hi hun rei tak a tanga neih tawh a ni a. Member tur pawh a duh apiang leh thei apiangte tel mai thin a ni. Kohhran Zaipawlte hian Kohhran hunpui, Krismas, Good Friday leh Bial Khawmpui, Kohhran Special Programme, Inneih lawmpuina etc.ah rawngbawlna pawimawh tak tak an lo nei tawh a, heng rawngbawlna hrang hrang tualchhung leh Bial chhunga rawngbawlna bakah hian Bial pawn hmun hrang hrang - Lunglei Chandmari, Khuangleng, N. Vanlaiphai, Sailam, Assam Rifles, Aibawk leh Thenzawl(Mashihi Sangiti Convention) ah te zaia rawngbawlna an nei tawh bawk a ni.

Welcome

Hmar Veng Branch KTP webblog hi siam mek a ni a, tun atanga hun reiloteah mitin tlawh theih a siam a ni ang.